Gretchen out na gyud sa pelikula ni Bong

Dili si Regine Velasquez ang mopuli kang Gretchen Barretto sa movie nilang Sen. Bong Revilla ug Ai-Ai de las Alas kun dili si Precious Lara Quigaman, ang Miss International 2005.

Matud pa ni direk Wenn Deramas, nga-out na gyud si Gretchen sa pelikulang "Kapag Tumibok Ang Puso Not Just Once But Twice," ug nasabutan na sa tibuok production nga magkuha nalang sila og lain nga maoy mo-fill in sa bakanteng role.

Usa si Precious Lara ang nahisgutan ni direk Wenn nga posibleng mopuli ni Gretchen ug aprobado daw kini ni Sen. Bong sa maong ideya. Pero aduna'y problema kay daghan kaayo og project ang Ms. International beauty sa GMA-7 ug sa Bb. Pilipinas Charities.