Sa nasayran tingog ra ni Dennis ang gamiton busa gitugtan siya sa GMA-7 nga mo-audition alang sa maong cartoon. Sa samang higayon usab, nasayran nga mi-audition usab diay si Hero apan wala magustohi ang iyang tingog.
Ang taho sa PangMasa mao nga perteng lagota ni Hero ug sa iyang maguwang nga si Henry tungod kay matud pa gidapit sila nga mo-audition ug matud pa gipasaligan pa nga maoy hatagan sa role nga naadto kang Dennis.
Giaway ni Hero ang usa ka staff sa ABS-CBN human siya masayod nga dili siya maoy hatagan sa role ug labihan na lang ang iyang pagbagotbot tungod kay matud pa niya nahasul siya sanglit makadaghan nga higayon nga nakig-meeting niya ang kadagkuan sa production apan wala ra higapon diay siyay madaw-daw.
Apan ang mga taga-ABS-CBN mibarog nga wala silay gipasaligan, ug nga ang tanang mi-audition igo lang giingnan nga tawgan lang sila sa telepono alang sa resulta.
Tsika sa PangMasa mao nga napuno karon sa pagsaway si Hero sanglit human niini gipanghimaraot ang ABS-CBN kaniadto hinungdan nga gibuhian siya sa Star Magic, sa mao nga network ra diay usab siya mobalik aron manghagdaw og panginabuhian. Sooo?