Joseph, good influence kang Sandara

Tungod ni Joseph Bitangcol, nakaila si Sandara Park sa Diyos diin kon kaniadto wala masayod ang Koreana kon duna bay Ginoo, karon makamao na siya mangadye sanglit gitudloan siya ni Joseph.

Si Sandara nga nahinabi sa PangMasa human sa mini-presscon alang sa ilang movie nga "D'Lucky Ones" niadtong nakalabay nga adlaw, giangkon sa Koreana nga mas malipayon na siya karon dili sama kaniadto nga gikulbaan siya sa mamahimong resulta sa iyang comeback movie.

Ning bag-o lang mikuyog si Sandara kang Joseph nga misimba didto sa Our Lady of Manaoag sa Pangasinan diin giangkon niya nga first time pa niya nga nakasulod og simbahan.

Matud ni Sandara nga iyang giampo nga mokita unta ang D'Lucky Ones inig abli unya niini sa mga sinehan sa tibook nasud karong Abril 15. Giangkon ni Sandara nga hangtod sa kahangturan na ang iyang suliran sa iyang amahan apan giampo niya nga magmalipayon unta ang iyang inahan ug mga igsuon.

Giampo usab ni Sandara nga makakita siya og lalaki nga magmatinud-anon ug magmahigugmaon kaniya, hinungdan nga gisungog siya unsay iyang buhaton kon si Joseph na ang maong binuhat. Tubag sa "pambansang krung-krung," sana siya na nga at maging faithful sana siya sa akin."

Iya, super late

Hapit wala makatambong sa presscon sa 'Pamahiin" ang young star/ tv host nga si Iya Villania gani late ang dalaga og duha ka oras maoy hinungdan usab nga alas nuwebe na sa gabii nasugdan ang kalihukan inay alas syete.

Ang tsika sa PangMasa mao nga nakulbaan og maayo ang producer nga si Mother Lily Monteverde basin og no-show unya ang beauty ni Iya nga gikatahong gikan pa sa taping sa Wowowee.

Pwes ang litaniya ni mother ngadto sa PA o handler ni Iya over the phone mao ni, "Are we going to wait or what? Two hours ago n'yo pa sinasabing darating siya."

Pag-abot ni Iya gisugdan gilayon ang presscon ug walay puas ang pagpangayo sa young star og pasaylo tungod sa iyang pagkadugay.

Anyway "Pamahiin" is showing on April 29 sa tanang sinehan lukop nasud ug kini ubos sa Rahyan Carlos, diin kauban usab silang Dennis Trillo, Marian Rivera ug Paolo Contis.

Date sa Singapore?

Nagkuyog paingon sa Singapore sila si Isabel Oli ug Paolo Contis kagahapon tungod kay gibisita sa atong paisana ang iyang mga ginikanan nga tua na manimuyo didto.

Ang tsika sa PangMasa nga igo rang ihatod ni Paolo si Isabel tungod kay anhi sa Pilipinas mag-Holy Week ang ulitawo.

Tungod niini miingon ang mga himantayon nga bahala nag-magsige og limod ang duruha kalabot sa tinood nilang relasyon tungod kay "action speaks louder than words."