JR Valentin inilog

Bisa'g wa gyod matawo dinhi sa Sugbo si JR Valentin, giisip niyang Sugboanon usab siya, ug dili siya malimot sa nahimo niyang silingan diha sa Lapu-Lapu City. Nahimo niyang mga kahigalaan sa pagtungha pa niya diha sa St. Alphonsus College kon SAC ug ang mga nahimo niyang barkadang mga Sugboanon sa dihang nakuha siyang model ni Vic Iyao, ang super assistant sa premyadong choreographer-director nga si Engr. Jonjet Primor. Gani matag karon ug unya, mobisita gayod siya sa maong mga kahigalaan, labina kun duna siya'y mga engagements dinhi nga may kalabutan na sa iyang pagka artista karon, ug dili gyod niya sipyaton ang pag contact ni Vic Iyao, ang iyang discoverer.

Dili siya makapatin-aw kon ngano nga sa kadaghan sa mga bayot nga mga talent scouts nga nag-ilog sa pagtanyag kaniya'g showbiz carrier, si Vic Iyao man ang iyang natando. Pero nakita lang gyod kono niya ang pagka matinud-anon ni Vic Iyao, mao nga wa siya magpanuko sa pagtando kang Vic. Gani, may na-tsismis pa kaniadto nga duna gyod sila'y relasyon, mga tsismis nga naggikan sa mga maingon nga, nasina sa ilang pagtinagdanay.

Bisan karon hinoon, inilog pa gyod si JR Valentin, dili lang tungod kay angayan gyod siyang himoong leading man sa pelikula kon dili, maayo usab siyang mo-arte nga gipakita na niya sa "Ang Pagdalaga Ni Maximo Oliveros" diin, gidala niya ang papel sa usa ka polis nga buotan, nga nahimong suod nga higala og naibgan ni Maximo Oliveros (Nathaniel Lopez). Interesado unta usab ang GMA kaniya ug nakaapil na gani siya sa "Extra Challenge" apan nadaghan ang iyang mga projects sa ABS-CBN ug sa Star Cinema, ug sa "D' Lucky Ones" nga gibitoonan usab nila ni Sandara Park ug Joseph Bitangcol, giilogan na usab siya nila ni Pokwang ug Eugene Domingo. Apil diay usab sa maong pelikula sila si Nikki Valdez, Candy Pangilinan ug gipaila dinhi si Franzen Fajardo.