Toni nagpabadlong sa Amerika

Gikatahong nagpasaway si Toni Gonzaga didto sa Estados Unidos hinungdan nga gisapot ang producer sa iyang mga shows didto sa San Francisco, San Diego ug Los Angeles sa California.

Ang tsika sa PangMasa mao nga naglagot ang producer ni Toni kay kanunay nga mawala ang TV host/ singer atol sa promo sa iyang mga shows ug matud pa dili magpahibawo asa siya moadto.

Nasayran nga ang hinungdan nganong kalit lang nga mawagtang si Toni sa iyang hotel room mao nga kuyog sa iyang mga ginikanan busy sila pagbisita sa ilang mga kaparyentihan sa Estados Unidos.

Usa ka kauban ni Toni nga gikuhaan og reaksyon sa PangMasa mitubag pinaagi sa text nga "Di lang nakasipot si Toni sa 2 sponsors at busy kasi sa mga kamag-anak. Pero magaling siya sa mga shows at binubuhay niya ang mga ito sa pagiging komedyante."

* * * Jennylyn ug Mark sigeg suroy

Super bonding diay ang kanhi managhinigugmaay ug karon mga bida sa umaabot nga soap opera sa GMA-7 nga si Mark Herras ug Jennylyn Mercado kinsa tua sa Estados Unidos alang sa taping sa 'I Love New York."

Last Wednesday evening, nakadawat og text message ang PangMasa gikan sa duruha diin pareho nilang gitin-aw nga wala pa diay masugdi ang taping niadtong Lunes tungod kay nasakit si direk Louie Ignacio.

Gawas pa ila pang gipaabot si Jolina Magdangal kinsa kagahapon pa milupad sa Estados Unidos sanglit wala man siya madungan niadtong Domingo tungod kay duna siyay show sa Dubai.

Ania ang text ni Mark nga nadawat sa PangMasa: "Dito kami ngayon ni Jen sa Bubba Gump, beside MTV Studio. Sobrang lamig, umuulan pa. Dito rin kami sa Time Square. Bukas mag-start na ang taping."

From Jennylyn: "Dito kami sa Times Square, Manhattan. Ang ganda dito. Grabe ang lamig, tapos umuulan pa. Nagpahinga lamang kami tapos namasyal kami the whole day kasi bukas simula na ng work." Promise nila ay lagi silang magpapadala ng updates ng kanilang taping doon.