D' Lucky Ones!

Duha ka batan-on nga wala makagusto sa usag-usa. Apan sa unsang pagka-unsaa mahug ang ilang pagbati ngadto sa usag usa bisan pa man sa tantong likay-likay nila sa buot mahitabo sa ilang mga inahan kansang kagustuhan mao nga silang duruha ang magkadayon sa kataposan. Kini maoy dagan sa labing bag-o ug labing hugyaw nga pelikula sa Star Cinema nga giulohan og D' Lucky Ones. Kining maong pelikula usab ang unang proyekto sa tinood nga managhinigugmaay nga sila si Sandara Park ug Joseph Bitangcol. Labaw sa tanang ang D Lucky Ones maoy comeback movie ni Sandara human siya milupad sa Korea.

Ang istorya magsugod sa duha ka mga inahan nga sila si Lea (Pokwang) ug Tina (Eugene Dominggo) kansang mga dalan nag-abot sanglit pareho sila nga lunod patay nga fans ni Ate Vi. Nahimugso ang maayong pag-hini-galaay tali nilang duha hangtod na nga milupad si Lea paingon sa Korea aron didto manimpad. Apan duna silay sinabutan-nga inig abot sa tukmang panahon mamahimo na silang tinood nga pamilya human unya mag-minyo ang ilang tagsa-tagsa ka mga anak.

Paglabay sa pipila ka tuig midesisyon si Lea nga mobalik sa Pilipinas kauban ang iyang anak nga si Lucky Girl (Sandara) nga bisan pa man og perteng babag hingpit gayud nga na-engaged sa anak ni Tina nga si Lucky Boy (Joseph). Ang problema mao nga kaniadto pa bug-at na ang ilang dugo alang sa usag-usa samotan pa nga na-a-an ni Lucky Girl si Jose (Franzen Fajardo) isip ang lalake nga buot sa iyang inahan nga maminyoan niya. Diha diha giilad ni Lucky Girl ang iyang inahan hinungdan nga milayas siya.

Dinhi magsugod ang love story nila ni Lucky Girl ug Lucky Boy. Apan og giunsa nila paghinigugmaay angayan nga maoy inyong tan-awon ug sundan atol unya sa pag-abli na sa D' Lucky Ones sa mga sinehan lukop nasud karong Abril kinse. Basta sa tantong pina-ngita nila ni Tina ug Lea, mahi-balag usab nila ang guapo nga si Ralph (JR Valentin) nga maoy ilang ilogan ug maoy mama-himong hulga sa ilang panag-hiniga-laay. Sa direksyon ni Wenn Deramas, sa maong pelikula ipaila usab ang loveteam nila ni Carla Humphries ug Janus del Prado diin kauban usab nila sila si Candy Pangilinan ug Nikki Valdez. Atangi sila si Sandara, Joseph ug Nikki Valdez sa SM Entertainment Plaza karong Sabado (April 8) sa buntag alang sa usa ka pasundayag. - Ryan Mark