Tungod sa pirated nga material

Tungod kay sakop sa Oasis of Love sila si Bro. Soc Fernandez, ang mayor sa Talisay City ug Sis. Shirley Belleza, usa sa mga konsehal sa Talisay City, wa maglisod ang Cebu Catholic Television Network kon CCTN sa paghangyo kanila nga makagamit mi sa ilang Engineering Dept. Conference Room sa labing una namong episode sa Search For The Southern Star, Talisay City Edition. Busa sinako ang pasalamat nila ni Bro. Nonito "Tatay Dodong", Sister Stella Palomo M, Bro. Jayson Jabonero ug Bro. Novo Bono ngadto kanila ug sa uban pang mga taga Talisay, labi na sa mga taga Inato Lang Kan-anan nga naa atbang sa City Hall,kay wa mi pabayra sa among meals, sa duha ka adlaw namong taping, Biyernes ug Sabado (Maso 24 ug 25).

Nanumpa si Jayson Jabonero, ang host nga malampuson gyod kaayo ang among taping diin grabe ka daghan unta kaayo ang gustong moapil, apan human sa audition, 14 na lang ang qualified alang sa una gyong elimination diin duha ang gitangtang nga polos gyod nanghilak. Sa ikaduhang elimination, 12 na lang ang nagtigi sa ilang abilidad sa pag-awit ug sayaw, diin, tolo na say gitangtang aron siyam na lay magtigi hangtod unom na lang hangtod natolo na lang ug ang katapusang napili nga tolo nga sila si Sarah Jean Badana, Rosel Seville ug Dave Patilano, modala sa tingog sa Talisay sa Grand Finals karong Disyembre. Ang mapiling tolo sa Lapu-Lapu City sa sunod nga taping, makigsangka usab sa ubang tulo ka mga winners sa uban pang mga mananaog sa ubang siyudad sa lalawigan sa Sugbo.

Dunay angayan untang modaog,kay maayong mokiay, nindot ug tingog, ug maayong mopili sa iyang isul-ob, ug maayog projection, apan bisa'g unsaon, mopalpak ang iyang pag-awit kay daotan ang iyang tanang mga materials, tungod kay pulos mga pirated. Niining tungora, nagpahimangno si Novo Bono nga ang tanang gustong mosalmot, kinahanglang dili pirated ang mga materials nga gamiton.