Christian nag-ampo nga mapalayas

Giangkon ni Christian Vasquez nga giampo niya nga siya maoy palayason gikan sa "Bahay ni Kuya" tungod kay matud pa niya natuman na niya ang iyang katuyuan sa pagsalmot sa Pinoy Big Brother Celebrity Edition.

"Tapos na kasi ang purpose ko sa Bahay ni Kuya," pong pa ni Christian atol sa iyang presscon niadtong Lunes. "Ang purpose ko sa pagsali ko sa PBB is to gain experience at para makatulong na nagawa ko namang lahat. Naka-gain ako ng kakaibang karanasan plus may naibigay pa akong tulong sa St. Vincent's Home for the Aged sa Bacolod."

Matud niya dili ang premyo nga 1M ang labing bug-at nga rason sa iyang pag-apil sa PBB kundili ang kasinatian nga iyang maangkon.

Hinoon giangkon usab ni Christian nga dako na gyud unta og ikatabang sa edukasyon sa iyang duha ka mga anak pero matud pa niya ikaduha ra kini nga rason.

"Sobrang kakaibang experience talaga ito para sa akin. Ibang-iba talaga ang buhay sa loob kaysa buhay sa labas. Iibahin talaga ang pagkatao mo, the way you look at things, sobrang dami talaga matutunan mo."

Suma pa niya ang pakig hugoy hugoy sa laing mga tawo maoy labing importante nga pagtulon-an nga iyang naangkon samtang didto siya sulod sa balay. "Before kasi pag sinabi kong ito ang gusto ko, paninindigan ko dahil 'yun ang gusto ko. Pero hindi pala dapat ganu'n. Minsan, dapat mo ring pakinggan ang ibang tao, give them the chance to talk," pagbutyag niya.

Sa dihang nakagawas na siya sa balay maoy una niyang giasikaso ang iyang duha ka mga anak nga Mathew (8) ug Jayson (9) diin nanuroy sila ug nagkuyog gyud sulod sa hataas nga higayon sanglit gimingaw sila og maayo sa usag usa.

Sunod niyang gibuhat mao nga iyang gikuyog og panihapon ang iyang model girlfriend apan wala niya nganli sa dihang gisukit-sukit sa mga tigbalita.

Dunay bag-o nga show nga ihatag ang ABS-CBN kang Christian samtang duna usab siyay umaabot nga pelikula ubos sa Regal Films sa direksyon unya ni Joel Lamangan.

* * *

Samtang atol sa maong presscon giklaro ni Direk Laurenti Dyogi nga wala musolong ug nanghagis si Robin Padilla didto sa 'Bahay ni Kuya.

"He was invited. Last week pa, pagkatapos ng pag-amin ni Rustom, we were inviting him para nga magkausap silang magkapatid. We were expecting him a day before he came, madaling-araw dapat siya dadating pero hindi siya nakarating and instead, kinaumagahan na nga siya dumating," pagklaro ni direk ngadto sa PangMasa.

Gikomedyahan si direk Dyogi sa mga tigbalita pinaagi sa pagpangutana pilay talent fee sa alibambang nga nitugpa sa tuhod ni Rustom diin iya usab kining gitubag og komedya pinaagi sa pag-ingon nga labihan ka mahal.

"Kaya nga sabi ko, sa next project ko, kukunin ko pa rin siya," komedya pa ni direk.