Wa makagusto si Novo sa host?

Sa daghang mga aplikante isip host sa 'Search For Southern Star" sa Cebu Catholic Television Network kon CCTN, walay napili ang mga haligi sa maong catholic network, tungod kay duna na man silay nahunahunaang himoong host, si Jay Jabonero, apan gikataho nga wa pod kono unta makagusto ang director sa maong programa, ang l970 grand national champion sa Tawag Ng Tanghalan nga si Novo Bono, Jr.Ugaling lang kay natuman gyod ang gusto sa mga haligi sa network busa magpadayong host si Jayson.

* * *

Daghang nagmahay kon nganong dili ang lalawigan o dakbayan sa Sugbo ang gidalang syudad o lalawigan ni Anna Maris Igpit, ang napiling Bb. Pilipinas-World. Apan alang nako, may katarungan si Miss Igpit kay wa man siya mahimong Miss Cebu bisan siya mao karon ang reigning Miss Mandaue. Dili usab mahimong modala siya sa ngalan sa Mandaue City, kay siya man usab ang reigning Miss Talisay, busa angayan lang nga ang lalawigan sa Bohol ang iyang dad-on, kay didto siya matawo, ug napili usab siyang Miss Bohol Sandugo.

* * *

Sa laing bahin, nalipay si Wendy Mendoza ug si Mr.Val Padilla sa Rose White Cream sa nindot nga feedback sa mga readers sa Banat News og daghan nang mga readers nga nagpadala sa ilang bio-data ug parent o guardian's consent aron sila makaapil sa bangga sa kaanyag "Bb.Rose White of Summer 2006". Apan padayon pa silang nanawat og mga aplikante aron mahimong mga kandidata, og adto lang kini ihatod sa parlor ni Wendy sa basement sa Plaza Fair. Ang katapusang pagpanawat unya pa sa unang semana sa Abril. Sa katapusang Sabado sa Abril ng final selection. Cash ug mga produkto sa Rose White ang nagpaabot sa lima ka mga winners nga kinahanglan yong mga hamis og kutis aron mahimo unyang model sa Rose White, ug artista sa CCTN. Usa sa mga kandidata model ni Wendy, si Lynda Legaspino kinsa makita sa hulagway sa laing bag-ong summer look nga mugna ni Wendy.