Mark nalamian sa love scene

Wala nay pupanuko ang singer nga si Mark Bautista sa pagpasexy sanglit labihan ka daring sa labing bag-o niya nga music video nga makita sa MTV Philippines.

"You win the game" ang title sa labing bag-o nga music video ni Mark diin duna pa silay love scene sa nagpasexy na usab nga young star nga si Vanna Garcia.

"Pumatong si Vannah, so, parang hindi talaga ako sanay. Naiba ang pakiramdam ko pero kinokontrol ko talaga. Kasi baka, mapasigaw si Vannah na "Oy, ano 'yan?" Siyempre, tao lang naman ako. Ang hirap talaga," pong pa ni Mark.

Daghan ang nakugang sa maong music video sanglit naghukas si Mark talan-awon nga layo ra sa iyang wholesome image.

Apan matud ni Mark nga dako siya og pagsalig sa Viva Records management nga maoy nagbuot sa maong music video ug sayud siya nga dili siya pasagdan sa iyang mother studio.

Miingon si Mark nga mas ma-shock pa gyud unya ang iyang mga fans atol sa iyang unang solo concert nga giuluhan og "Pop Heartthrob" didto sa Aliw theater karong Marso 24.

Kini tungod kay atol sa maong concert diin special guest niya sila si Sarah Geronimo, Ruffa Mae Quinto ug Ogie Alcasid mas magpa-sexy pa siya og maayo.

* * *

Gidungog nga daghan na ang napul-an ug naglagot sa mga panghitabo karon sa sulod sa "Bahay ni Kuya" sa nagpadayon nga Pinoy Big Brother Celebrity Edition sa ABS-CBN.

Suma pa sa taho sa PangMasa nga ang gikapungtan sa mga televiewers mao ang kanunay nga away nila ni Roxie Barcelo ug Rico Robles nga matud pa wala gyuy kwenta.

Naglibog ang mga tumatan-aw sanglit duna naman diay uyab si Roxie nga ginganlan og Martin Gallego apan nganong dili man niya prangkahan si Rico nga wala na kini amor niya?

Duna usay nanawagan nga angayan nga maymayan na ni Big brother ang duha niya ka mga bisita sanglit sa kanunay nga away diin modiretso og hilak si Roxie matud pa sa viewers nga daw nahug na hinoon nga scripted ang gibuhat sa duruha sulod sa balay.

* * *

Napuno sa komedya ang character actress nga si Jan Marini Alano nga nagpadako sa iyang boobs sanglit labihan niini ka sexy sa dihang mitambong sa induction of officers sa Entertainment Press Society ning bag-o lang.

Kini tungod kay super sexy ang iyang gisul-ob hinungdan nga klaro na kaayo ang iyang cleavage.

Wala mapugngi sa mga kabayotan ug gipangutana gyud nila si Jan kung nagpapuno ba siya sa iyang boobs apan igo lang siya nga mipahiyom.

"Babae po ako at may boobs na talaga ako." "Hindi lang kayo nasanay kasi hindi ako nagsusuot ng sexy na dress. Ngayon lang ako nagkaroon ng lakas ng loob kaya hayan, aksidenteng nagkaroon ako ng cleavage," pasabot ni Jan.

Apan matud niya nga kanunay usab siya nga mag-work-out kauban sa iyang bana nga si Gerard Pizaras hinungdan nga medyo sexy siya karon.

"Double purpose ang pagsama ko sa gym. Una ay 'yung mag-workout para gumanda rin ang katawan ko at pangalawa ay ang bantayan siya!" buhakhak pa nga pagtug-an ni Jan.