Jennylyn nahimo nang nanay

Nibalik na sa "Encantadia" si Jennylyn Mercado. Nag-taping na ang nahisgutan nga starstruck ultimate survivor niadtong Miyerkules isip inahan ni Cassandra (Ella Guevarra).

Ang tsika sa PangMasa mao nga gipangita ni Cassandra ang iyang inahan hinungdan nga magpakita niya ang iyang inahan nga si Lira (Jennylyn).

Dili pa hinoon sigurado kon permanente na ba si Jennylyn o guest lang samtang gipaabot usab sa kadaghanan nga musunod pagbalik sa Encantadia si Mark Herras.

Sa laing bahin, gikatakda nga mobisita na si Jennylyn didto sa St. Bernard Southern Leyte kon dili ugma mahimong sa Martes na sunod semana aron mang apod-apod og hinabang.

Sa nasayran didto nagtubo sa maong dapit ang ina-ina ni Jennylyn nga si Mommy Lydia hinungdan nga labihan na lang ang kaguol nga ilang gibati tungod sa nahitabong trahedya.

Sa pagkakaron giandam na ni Jennylyn ang relief goods nga iyang dad-on didto diin nakahipos na siya og 25 ka sako sa mga sapot nga hinatag sa iyang mga fans ingon man sa Particles diin siya maoy endorser. Duna usab silay dad-on nga mga pagkaon.

* * *

Samtang nagtaping na usab sila si Dennis Trillo ug Angel Locsin alang sa teaser sa ilang soap opera nga giulohan og Majika sa GMA-7 diin karong adlawa usab gikatakda nga mag-taping ang tanan nga apil sa nahisgutan nga serye.

Tagaytay ug Bulacan ang gipilian nga location.

Humana usab ang pictorial nila ni Dennis ug Angel diin matud pa migamit og wig si Dennis nga matud pa nakapaguwapo niini og maayo.

Star studded ang maong serye nga naglakip nila ni Eddie Garcia, Eddie Gutierrez, Katrina Halili, Ryza Cenon, Rainier Castillo, Jean Garcia, Carmina Villaroel, Zoren Legazpi, Nicole Anderson, Julianne Lee, Valerie Concepcion ug daghan pa.

Si Katrina ang kontrabida ni Angel samtang sila si Ryza ug Rainier maoy mga igsoon ni Angel.

* * *

Sanglit uso karon ang pre-nuptial agreement wala malikayi nga nakuhaan og reaksyon kalabot niini ang kampo ni Jolina Magdangal ning bag-o lang.

Buot ipasabot sa pre-nuptial agreement mao nga nagkanayon ang magtiayon nga dili manggilabot ang masig kahabig sa ilang tagsa tagsa ka mga kabutangan nga napundar sa wala pa sila magminyo.

Matud sa Daddy Jun ni Jolens nga wala pa nila matuki ang maong issue apan kon ugaling mao unya kini ang mauyonan dili sila supak niini.

Matud ni Daddy Jun nga kung praktikalidad ang hisgutan wala siyay nakita nga sayop sa pre-nuptial agreement.

"Siyempre, lawyer si Bebong, baka siya ang mag-initiate ng move. But definitely, it would not come from us," pong pa ni daddy Jun sa dihang nahinabi sa PangMasa ning bag-o lang.