Sarah bag-ong 'apple of the eye' ni Ryan

Sa katapusan ning buwana sugdan na ni Sarah Geronimo ang shooting alang sa bag-ong teleserye sa abs-cbn- ang remake sa "Bituing Walang Ningning" nga gipasikat ni Sharon Cuneta kaniadto.

Sa nabalita na sa Hugyaw few days ago si Angelika de la Cruz gyud ang final nga modala sa papel ni Lavinia nga kanhi gihatagan og kinabuhi ni Cherrie Gil sa pelikula kansang punchline nga ' you're nothing but a second rate trying hard copycat" dili na gyud mahikalimtan hangtud sa hangtud.

Si Ryan Agoncillo maoy modala sa papel sa record producer nga ilogan nila ni Sarah ug Angelika.

Samtang wagtangon na usab ang Entertainment Konek diin katapusang showing niini kutob na lang sa last Saturday ning buwana.

Ang ipuli niini usa ka game show nga pagabidahan sa mga housemates sa liderato of course sa big four nga sila si Nene, Jason, Cass ug Uma.

Nagdahunog na usab ang tsika nga moretiro na isip General manager sa ABS-CBN si Cito Alejandro sanglit mobalhin na kini sa Del Monte.



Kini human napalit sa maong San Miguel Corporation ang Del Monte ug si Alejandro maoy buot ni Mr. Danding Cojuangco nga modumala sa nahisgutang kompaniya.

Si Charo Santos Concio maoy gihagawhaw nga ipuli kang Alejandro.

* * *

Duna nay giandam nga pelikula ang Regal Films aron ilusad isip sexy star si Katrina Halili karong tuiga diin matud pa gastuhan gyud og maayo sa nahisgutang film outfit ang nahisgutang proyekto.

May tama ka si Katrina gyud ang hingpit na nga napatando sa Regal nga magpa sexy diin si Dingdong Dantes ang gikatakdang mamahimo unya niya nga leading man.

Last year pa unta ang maong proyekto diin i-package siya sa Regal sama sa nahitabo kang Ara Mina apan nagduha-duha pa si Katrina kaniadto busa karon nalang tuiga ipadayon ang maong movie.

Thankful si Katrina sa iyang role nga "Black Darna" tungod kay gumikan niadto nagsunod sunod na ang iyang mga projects sama nalang sa FHM Magazine ug calendar diin siya maoy gihimong pambato ug nahurot pagka halin.

Kahinumduman nga si Katrina nga nahinabi sa Banat Hugyaw niadtong December wala hingpit nga mosira sa iyang pultahan alang sa mga sexy roles ug igo lang siyang miingon nga basta maayo pagka gama ug dili siya mabastos andam siya nga modawat unya sa maong mga offers.