Kahinumduman nga ang magsuong Epoy ug Jewel uban sa robot nga si Rextor mipauli gikan sa ilang labing uwahi nga pagpanimpad nga nagdala og crystal nga bitoon.
Wala sila masayod nga ang maong bitoon mao ang butang nga gidili kanila ni Lola Tacia nga hilabtan apan nahikalimot ang mga bata niini busa ila kining gidala.
Tungod sa ilang pagkahilabtanon nasuko ang maligno nga nagbantay sa maong bitoon ug gidagit niini si Lola Tacia paingon sa laing kalibutan pinaagi sa 'Mahiwagang Baul."
Ang mga bata uban ni Rextor gikinahanglan nga mobisita sa nagkadaiyang programa sa GMA-7 aron palapdan ang pagpangita sa nahanaw nga si Lola Tacia.
Ang gihingusgan nga pagpangita ni Lola magpadayon sulod sa pito ka semana busa angayan nga inyong tan-awon kanunay ang "Mahiwagang Baul" kada Domingo sanglit magpakita ra unya si lola bisan asa niining maong mga episodes.
Adunay nagkadaiyang pangutana nga kinahanglan ninyong tubagon matag semana pinaagi sa pagtext:BAUL(space)< letra sa inyong tubag> ug ipada sa 4627 alang sa Smart ug Talk 'N Text subscribers ug 2364 alang sa Globe, Sun Cellular ug Touch Mobile users. Ang matag SMS entry nagkantidad ug P15. Usa ka bulahang mananaug og P5,000 ang bolahon matag semana hangtud nga mahuman ang promo.