Bea ug John Lloyd dili mahinayon

Dili madayon og bisita dinhi sa Sugbu karong Biyernes, Pebrero tres ang main casts sa "Close To You" nga sila si John Llyod, Bea Alonzo ug Sam Milby alang unta sa promo sa nahisgutang pelikula.

Kini tungod kay matud pa sa mga kadagkuan sa Star Cinema dunay Valentine show ang tulo uban unya sa ubang mga endorsers sa Close Up toothpaste diha unya sa Teatro Casino.

Busa aron dili magdoble modiretso lang una sa Tagbilaran City karong Biyernes ang cast sa "Close To You" aron i-promote ang maong pelikula nga ipasalida na karong Pebrero 15 sa tibuok nasud.

Hinoon dunay mga sakop sa Cebu Media nga pakuyogon sa Bohol alang sa coverage sa maong promotion alang sa naasoy nga pelikula.