GMA-7 nangharos

Ang Kapuso network maoy nakadaog isip "Most Awarded TV Station atol sa bag-o pa lang nahuman nga 2nd USTv Thomasian Students' Choice Awards diin siyam sa 16 ka katergorya ang giharos sa nahisgutan.

Ang mga nagpakadaug mao sila si Mike Enriquez isip Thomasian Students' Choice of Male Broadcast News and Public Affairs Host diin ang iyang programa maoy nahimong student's choice of documentary program, Iza Calzado isip best actress in a drama series diin ang Encantadia maoy best drama series, bubble gang isip best comedy program Extra Challenge isip best reality program samtang ang Koreanovela nga Full House maoy best foreign soap ug ang Eat Bulaga maoy best variety show.

Ang sumbanan sa maong kadaugan nga kinahanglan nga de kaledad ug nagsubay sa baruganan sa tunghaan pagpalambo sa kamatuoran luyo sa kamaloloy-on.

Ang traynta mil ka mga tinun-an sa University of Santo Tomas maoy nipili sa ilang buot padag-on nga mga programa nga gipasalida sukad niadtong Mayo 2004 hangtud sa Septembre 2005.

* * *

Samtang nagpabilin nga numero uno dinhi sa Sugbu ang GMA Network sa primetime news and public affairs programs base sa rating nga gipagawas sa AGB Nielsen alang sa December 2005 diin padayon nga nag-una ang "24 Oras" nila ni Mike Enriquez ug Mel Tiangco sa rating nga 23.3 percent itandi sa 16.3 nga naangkon sa kaatbang niini.

Hataw usab ang "Balitang Bisdak" ni Bobby Nalzaro niadtong nakalabay nga buwan sa rating nga 23.1% batok sa 14.4% nga naangkon sa katigi niini.

Gumikan niini, mikubos ang gap sa rating gikan sa 4.5% niadtong Nobyembre ngadto na sa 3.1% niadtong nakalabay nga buwan.

* * *

Sa laing bahin anaa na sa ikatulo nga dapit ang QTV-27 sa mga channel nga labing gitan-aw didto sa mega Manila human kini nagsugod sa iyang operation duha ka buwan na ang milabay.

Ang resulta sa survey nga gipaguwa sa AGBNMR Philippines nagmantala nga sukad sa November 11 ngadto na sa January 15 ang QTV nagsunod sa GMA-7 ug ABS-CBN.

Ang rating niini anaa sa 1.5% nga gisundan sa ABC 5 ug Studio 23 sa rating nga 1.3% ug 1.1%.

Sa samang higayon magsugod na ang labing kulbahinam nga game show sa QTV-27 nga pagadumalaon ni Arnell Ignacio matag Miyerkules sugod karong Pebrero otso kada alas otso sa gabii.

Giulohan og "Now Na (Ang game na Pang Good Time) ang maong show dunay nagkadaiyang pakulo nga diin duna usay nagpa-abot nga dagkong ganti.