Ang tsika ni Ruel Mendoza, kolumnista sa PangMasa nga bisan og giingan si Gladys sa doktor nga dili pa mahimo nga motabi siya og maayo tungod kay madaut ang iyang ceasarian operation wala gyud nila kapugngi nga mobuhakhak og katawa sa dihang ilang nahinumduman ni Juday ang ilang kabatan-on kaniadto.
Suma pa ni Ruel nga wala nila palandunga ni Juday ug Gladys ang paspas nga pagligid sa mga katuigan tungod kay kanhiay lang sila nga nagkauban isip mga bata nga wala pay buot sa soap opera nga "Mara Clara" kaniadto.
Ug sa daklit lang nanganak na si Gladys busa gibinuangan niini si Juday nga ang musunod sila na usab ni Juday ug Ryan ang mabakabaton og anak sanglit asa pa man diay padulong ang relasyon sa duruha kondili sa kaminyuon karong pipila ka adlaw.
Matud pa nga nagsige lang og katawa si Juday sa maong pamahayag ni Gladys hangtud nga taod taod nakahilak si Gladys tungod kay dili siya makatuo nga bag-ohay lang nga gipanguyaban siya ni Christopher Roxas sa "Mara Clara" kaniadto og karon duna na silay anak.
Samtang wala diay sa kiliran ni Gladys ang iyang bana sa dihang nagbati na siya sanglit taslakan diay kini og dugo diin matud pa maglain ang ginhawaan ni Christopher kon makakita og ingon niini nga talan-awon.
Apan miingon si Gladys nga wala kini niya igsapayan tungod kay sa iyang kasing-kasing nasayod siya nga anaa ra kanunay sa iyang giliran si Christopher.
Samtang wala mahinayon ang kagustohan ni Christopher nga Rasheed ang ipangan sa iyang unang anak nga lalake tungod kay napildi siya sa dihang nagboto ang tanang sakop sa ilang pamilya.
Matud pa sa dugang tsika ni kolumnistang Ruel nga nisupak ang masig ka pamilya sa magtiayon sanglit mura og terorista paminawon ang maong ngalan busa sa dihang nakahunahuna sila sa ngalan nga Gian Christopher diretso na kini nilang giuyonan.
Happy ra hinoon si Christopher tungod kay nagkauyon sila nga "sheed" ang i-angga sa ilang baby boy nga ila na nga pasidunggan pinaagi sa "dedication party" mga duha ka bulan gikan karon.
Ang dedication party mao ang seremonya sa mga Iglesia alang sa bag-ong natawo nga bata diin kon sa katoliko pa kini, kini mao ang seremonya sa bunyag. - RM