Onemig bakakon

Gibali og pasingil sa inahan ni Angelica Jones nga si Mommy Beth ang actor nga si Onemig Bondoc kalabot sa mga pasangil nga naghinawod ang inahan ug anak sa ilang show "Chowtime" sa IBC-13.

Ang tsika sa kolumnista nga si Vinia Vivar sa Pang Masa mao nga imposibli nga matinood ang gipasiatab ni Onemig nga nihangyo si Beth ngadto sa ulahi nga i-link si Angelica kaniya.

Suma pa nga dili kini tinood tungod kay sa wala pa masakop si Onemig isip host daan na nga nangulitawo ang aktor ngadto kang Angelica diin kanunay pa gani sila gidapit pagbisita ngadto sa balay ni Onemig.

Matud pa ni Mommy Beth nga si Onemig usab ang mihangyo kaniya aron ilakip sa "Chowtime" bahala na og gamay ra ang talent fee tungod kay ang importante duna siyay exposure sanglit duna kini laraw nga magpapili isip kongresista karong umaabot nga piniliay didto sa Bataan.

Miingon si Mommy Beth nga dili usab tinood ang gipanghambug ni Onemig nga naglagot kanila ang staff sa 'Chowtime" tungod kay ang tsika si Onemig ang wala mauyoni sanglit dili kini makahil-was busa dili maayong paminawon isip host.

Midugang si Mommy Beth nga angayan nga magpa-check-up si Onemig sa mental hospital tungod kay dili normal alang sa usa ka lalake ang magratatat ang baba sama og lubot sa hinangkan.