JB dunay bag-ong gikabuangan

Nagduka si JB Magsaysay atol sa press conference nila dinhi sa Sugbu niadtong Sabado ug gani nasigpatan pa siya nga nakatagpilaw gyud samtang naglingkod sa presidential table.

Busa walay gana ang JB sa dihang mitubag nga natapos na gyud ang tanan tali nila ni Say Alonzo kinsa kauban niya kaniadto sa Bahay ni Kuya sa wala pa mahuman ang Pinoy Big Brother season 1 sa abs-cbn.

Pwes ang tsika mao nga after sa tsismis nga nagdate sila ni Angelica Panganiban hinungdan nga miulbo ang kaspa ni Say ug diretso nga nakigbuwag, dunay bag-ong young star nga gikabuangan si JB.

Kana mao ang Starstruck batch two graduate nga si Maegan Young diin matud pa nakit-an sila nga nag-group date sa Metro Walk didto sa Manila bag-o lang.

Ang pangutana mao nga unsang hitaboa nganong nagkasuod ang duruha nga unta lahi man sila og networks sanglit ang Starstruck jewel sa GMA-7 samtang ang PBB pambato sa abs-cbn.

Hinoon walay problema kon manguyab si JB kang Maegan sanglit nihunong naman og pangulitawo sa young star ang iyang Starstruck batch mate nga si Benj Pacia.

Ang nakasiste lang unya matud pa sa mga himantayon mao nga hayan mobabag gyud unya sa mamahimong relasyon ang pamilya ni Maegan sanglit menor de edad pa ang naulahi.