Cass ug Uma bida na

Duna nay starring roles ang duha ka housemates nga si Uma ug Cass courtesy of "Blusang Itim" nga usa sa mga serye sa komiks nga gitagik ni Pablo S. Gomez kaniadto.

Si Cass maoy modala sa papel nga gihatagan og kinabuhi kaniadto ni Snooky Serna samtang si Uma maoy modala sa papel kaniadto ni Richard Gomez.

Suma pa sa taho nga andam na ang tanan alang sa mga projects sa duruha ubos sa dos diin gisahon og maayo si Cass sa nagkadaiyang teleserye aron maatiman ang acting potential niini.

Samtang dunay tsika nga co-host unya si Uma sa umaabot nga show sa megastar nga pagaulohan og Sunday with Sharon sa abs-cbn gihapon nga sugdan sa tunga tungang bahin sa sunod buwan.

Sa nahisgutang show sa megastar duna pa usay laing duha ka mga bag-ong artista nga ipaila isip mga co-hosts.

Samtang nasayran nga ang hinungdan nganong nilugwa silang Say Alonzo, Nene Tamayo, Racquel Reyes ug Bob dela Cruz sa premiere night sa "Don't Give Up on Us" mao nga apil diay sila sa teleserye ni Judy Ann nga giulohan og "Inday Bote."

Ang maong serye giingong maoy moabli sa mga sugilanon nga gikutlo gikan sa komiks ni Pablo Gomez diin si Ryan Agoncillo ang makauban sa young superstar.

Nasayran nga gisapot ang mga fans sa Juday-Piolo loveteam tungod kay nilugwa ang nahisgutang mga housemates atol sa premiere night nga unta wala man silay labot sa salida busa giisip sa mga fans nga igo lang silang nangilog og eksena.

Apan gipasabot ni Mommy Carol Santos nga igo lang nisuporta ang mga housemates kang Juday sanglit apil man sila sa 'Inday Bote" gani gikalipay niya pag-ayo ang presensya sa mga nahisgutan.