Echo: Nawad-an og gana sa Panday?

Sa pagka karon, tungod kay ang ABS-CBN, nabugnaw na man gyod sa paghimo sa "Ex Ko, To" nga bitoonan unta nila ni Aiko Melendez, Jomari Yllana, Alma Moreno ug Rudy Fernandez, wa pa gyo'y ikapuli sa "Bora," busa magpabilin pa kini. Apan kini na la'y programa ni Jericho Rosales gawas sa ASAP. Hinoon, ipadayon na kono ang paghimo sa gikatakda nga humanon karong tuiga nga Hollywood movie nga "Wrinkles" diin kauban na usab ni Echo si Cesar Montano, nga gikauban niya sa "Bagong Buwan." Ipadayon pod kono ang "Panday," apan may mga taho nga wa na kono'y gana si Echo nga mohimo pagbalik sa maong Action fantaserye.

Wa man gani kono siya motunga sa usa ka panagtigom nga gipatawag nila ni Carlo Caparas ug direk Toto Natividad. Unsa kaha kini ka tinuod? Kon tinuod kini, daw dili na mapadayon ang "Panday," kay miingon man si Carlo Caparas nga way laing angayan sa "Panday" kon dili si Jericho Rosales.