Apan nakugang ang mga himantayon sa dihang ang komedyante nga si Jose Manalo, sidekick ni Vic Sotto sa Enteng Kabisote ang nahimong best supporting actor.
Usa ka young star kinsa nitambong sa awards night mihagawhaw sa Banat Hugyaw kagahapon nga daghan ang nakurat tungod kay sa sayo pa duna nay mga leakage nga nigawas kalabot sa kinsa ang mga artista ang gikatakdang makadaug niadtong gabhiona.
Matud niya nga ang ngalan ni John Pratts kinsa nagdala og papel sa usa ka bayot sa pelikulang "Ako Legal Wife" ang gidungog nga maoy gikatakdang tunulan sa best supporting actor award.
Midugang ang young star nga ang kahibulong sa ubang mga artista nitumaw tungod kay husto ug tukma ang mga gidungog nga ngalan ug ang kang John Pratts ra ang napalpak.
Gumikan sa maong "maniobra" nga gituohang nahitabo giingong daghan sa mga young stars ang naguol tungod kay nahimo medyo dili na katuohan ang kredibilidad sa mga award giving bodies karong panahona.
Samtang si Cherrie Pie Picache ang nahimong best supporting actress sa pelikulang "Ako Legal Wife" gihapon ug best director si Jose Javier Reyes alang sa pelikulang "Kutob"
Daghan usab ang nahibong nganong ang pelikula nga "Blue Moon" laing entry sa Regal Films ang nahimong Best Picture nga unta ang best director dili man si Joel Lamangan kondili si direk Jose Javier Reyes alang sa "Kutob."
Ang 31st MMFF Awards didto gipahigayon sa Aliw Theater diin nitambong si Presidente Gloria Macapagal Arroyo mismo.
Kahibulungan usab nga walay nadag-an bisag usa ang Mulawin the movie nga unta gihatagan man kini og A rating sa Cinema Evaluation Board.
Ang uban nagduda nga posibling ang pag sige og bira ni direk Joel batok sa kagamhanang Arroyo maoy hinungdan nga wala siya'y nadag-an nga award.
Ania ang dugang resulta sa gipahigayon nga awards night:
Best Picture: Blue Moon
Second Best Picture: Exodus
Third Best Picture: Kutob
Best Child Performer: Paul Salas (Shake, Rattle & Roll)
Best Float: Exodus
1st Best Float: Mulawin
2nd Best Float: Blue Moon
Best Make-Up: Baby Lucero (Exodus)
Best Production Design: Richard Somes (Exodus)
Best Visual Effects: Ignite Media Inc. (Exodus)
Best Story: Allan Tijamo (Blue Moon)
Best Screenplay: Allan Tijamo (Blue Moon)
Best Cinematography: Lyle Sacris (Exodus)
Best Editor: Vito Cajili (Kutob)
Best Musical Score: Jaime Fabregas (Kutob)
Best Sound Recording: Ditoy Aguila (Exodus)
Best Theme Song: Kasalanan Nga Ba (Kutob)
Male Star of the Night: Richard Gutierrez
Female Star of the Night: Iya Villania
Lifetime Achievement Award: Henry Sy of SM
Posthumuos Award: Manuel de Leon of LVN Pictures
Gatpuno Cultural Memorial Award: Kutob
Texter's Choice isip best actor, best actress ug best movie: Jennylyn Mercado, Mark Herras ug ang Blue Moon.
- Dugang taho gikan ni Manay Lolit Solis, kolumnista sa PangMasa.