Exodus gidugok, follow-up project gipangandaman na

Tungod sa maayong labok nga gipakita sa Exodus sa Metro Manila Film Festival, nangandam na karon si Senador Bong Revilla alang sa follow-up project unya sa maong pelikula.

Nasayran nga malipayon kaayo si Senador Bong Revilla tungod sa maayong resulta sa iyang pelikulang "Exodus" diin mikita karon og dako sa nagpadayong festival busa mipahigayon na sila og thanksgiving party.

Si Bong nalipay dili lang sa "Exodus" apan lakip na usab alang ngadto sa ubang mga entries tungod kay og 20% ang resulta sa box office itandi sa nakalabay nga tuig.

Nabantayan nga sa nagpadayon nga festival mga pelikula nga fantasy ang tema maoy gidugok og maayo sanglit nasulod sa top three sa labing dako og kita mao ang Enteng Kabisote, Exodus ug Mulawin the movie.