John Pratts ug Maja uyab na

Giangkon ni John Pratts ning bag-o lang nga one month na silang dunay espesyal nga pagtinagdanay sa iyang kanhi ka-loveteam nga si Maja Salvador.

Matud ni John nakat-on na siya og leksyon sa ilang relasyon ni Heart Evangelista kaniadto busa ning tungora dili na gyud niya itago ang ilang relasyon ni Maja.

Suma pa ni John nga sa dihang nag-uban pa sila ni Maja sa teleserye nga "It Might be you" wala pa ma-develop ang iyang gugma ngadto sa nahauna siguro tungod kay in-love pa siya kang Heart.

Apan sa pagligid sa mga adlaw iyang nasuta nga nagkadako ang iyang gugma kang Maja tungod kay iyang nakita unsa ka maayo nga tawo ang nahisgutan.

Matud ni John nga iya usab nga nasuta nga bisan og bata pa si Maja hinog na kini og huna-huna ug duna nay panlantaw alang sa umaabot busa nidesisyon siya nga panguyaban kini.

Happy si John tungod kay gidawat sa tukmang kaayo sa iyang pamilya si Maja isip bag-o niyang hinigugma ug gani daghan ang nagtoo nga si Camille Pratts dako og natabang nga dali nga mapasugot si Maja sanglit suod sila nga managhigala.