Ogie konserbatibo nagdumili paghawok

Gumikan sa "Shake Rattle and Roll" nasuta nga konserbatibo nga pagkatawo si Ogie Alcasid sanglit dili siya makaako nga mohimo og love scene sa pelikula.

Kini human nagdumili si Ogie paghawok sa liog ni Ara Mina nga maoy iyang asawa sa nahisgutan nga pelikula nga usa sa mga entry sa Regal Films sa nagpadayon nga Metro Manila Film Festival.

Seryoso gyud si Ogie sa iyang pagdumili sanglit mihangyo man gyud siya sa ilang director nga si Rico Ilarde nga usbon ang maong eksena nga wala niya mauyoni.

Labihang katawa ni Ara gumikan sa pagdumili ni Ogie dungan sa pagkomedya nga basin dunay espesyal nga pagbati niya si Ogie hinungdan nga ingon niini ka taas ang respeto ngadto niya.

Matud pa ni Ara nga ang gipuli nga eksena wala kinahanglana sa maong pelikula og malagmit makatawa pa ang mga audience kung makita na niini.

Apan si Ogie mipasabot nga dili siya gustong makakita sa iyang kaugalingon sa umaabot mohimo og love scenes tungod kay iya kining giisip nga sagrado ug personal nga butang.

Matud pa ni Ogie nga ang gihulip nga esena nagpakita niya nga miparayeg ni Ara tungod kay magsige sila og away.

Midugang si Ogie nga sa private life kaya niya kining buhaton og ang maong eksena siguradong makapukaw sa iyang pagka lalaki.