Jodi nanganak og lalake

Inahan na si Jodi Santa Maria human niya ihimugso ang usa ka himsog nga batang lalake didto sa Estados Unidos niadtong nakalabay nga Disyembre 23.

Panfilo Lacson III ang ilang gingalan sa bata sanglit matud pa liwat kaayo kini sa iyang bana og sa iyang father-in-law nga si senador Panfilo Lacson.

Himsog gyud ang baby sanglit 7.3 pounds ang timbang niini samtang 19 inches ang gitas-on ug matud pa ni Jodi nga nalipay ang senador sa iyang apo tungod kay labihan gyud kini ka liwat niya.

Matud ni Jodi nga human siya nakapanganak usa ra gyud ka leksyon ang iyang nakat-on og kini mao nga mas higugmaon gyud diay sa mga inahan ang ilang kaugalingong mama gumikan sa grabeng sakripisyo nga maagian ilabi na inig-unto aron mogawas ang bata.

Si Jodi usa sa mga young stars kaniadto nga mainiton kaayong gidawat sa publiko tungod sa kaguwapa ug ka maayo niini moarte apan mas gipili niya nga talikdan ang showbiz aron ipunting iyang atensyon ngadto sa iyang bana ug pamilya.

Lakip sa kadungan kaniadto ni Jodi nga hangtud karon aktibo lang gihapon sa industriya mao silang Paolo Contis, Desiree del Valle, Baron Geisler ug John Lloyd Cruz.

Samtang kauban niya kaniadto nga mibiya na usab sa showbiz mao sila si Carol Banawa ug Kaye Abad.