Nagkainit ang relasyon ni Cristine ug Cogie

Daw nagkainit na gayod ang relasyon sa manghod ni Ara Mina nga si Cristine Reyes ug sa aktor nga si Cogie Domingo.

Daghan sa ilang mga fans ang nakamatikod nga sweet kaayo ang duha nga nakapatumaw sa ilang pagtuo nga nagkasinabtanay na gayod kini sa usag usa.

Si Ara nga gipangutana sa pipila ka mga showbiz reporter ang nagdumili gayod sa pagtuo niini.

Matud sa aktres nga bata pa kaayo ang iyang manghod ug buot gayod niya nga ang career una maoy atimanon ug dili ang sayo nga pagsulod sa gugma.

Daghan man god ang nag-ingon nga mosulbong pa ang career sa aktres sa pagka artista tungod kay may potential kini kay guwapa ug seksi ug may kahanas pa gayod sa pag-arte.