Rica wala pasudla sa Los Angeles gi-deport

Wala makadayon sa Los Angeles California ang sexy star nga si Rica Peralejo human siya gisukit-sukit og maayo sa usa ka immigration officer nga namugos nga mopakita ang aktres og working visa.

Bag-o lang nahitabo kang Rica ang maong kasinatian sa dihang gidapit siya isip guest alang sa usa ka show didto sa California og matud pa mao ni gi-pistahan nga balita karon didto sa Filipino communities.

In fairness to Rica dili niya sayop ang nahitabo sanglit giingong nagtinihik ang producer sa mao unta nga show og wala lukati og working visa ang aktres siguro tungod kay gimahalan kini sa US$1000 per head.

Matud pa nga nisuway gyud unta og hangyo si Rica sa immigration officer nga tugtan nalang siya nga musolod sa California bisan wala siyay working visa sanglit guest ra man siya og dili main star.

Apan hugtanon nga nagdumili ang nahisgutang immigration officer insegeda nga na airport to aiport ang beauty ni Rica busa nagsiga ang kalimutaw sa mga pinoy didto nga naghinamhinam nga makakita sa aktres.

Nangayo og pasaylo ang producer kang Rica og wala na usab nila bawia ang ilang gibayad nga down payment ngadto sa naulahi samtang nisabot ra ang aktres apan gitambagan ang producer nga dili na sublion ang maong buhat.

Gikatahong permanente na kini nga buhaton sa mga producer nga nagbase sa California nga dili kuhaan og working visa ang mga Pinoy talents basta dili maoy main performer. (Paet!)