John Pratts posibling maka-award

Daghan ang nanagna nga hayan mangharos og acting sa umaabot nga mga film festival ang young star nga si John Pratts pinaagi sa iyang role karon nga closet queen sa pelikulang "Ako Legal Wife".

Sa maong pelikula, si John anak nga bayot ni Zsa-Zsa Padilla apan dili niya ikapahungaw ang tinood niya nga pagkatawo sa kahadlok nga isalikway sa iyang pamilya ug mga higala.

Suma pa sa nakakita sa advance screening sa maong pelikula nga hayag gyud ang tsansa ni John sa mga acting derbies sanglit labihan ka convincing sa young star sa mao niyang papel.

Ang young star nga nakuhaan og reaksyon ning bag-o lang namahayag nga wala siyay gi-idolo ug igo lang siya nga naniid sa iyang mga higala nga bayot gawas nga iyang gisunod ang mga gitudlo kaniya ni direk Joel Lamangan

Ang "Ako Legal Wife" spin-off sa Mano Po 2 entry sa Regal Films sa umaabot nga Metro Manila Film Festival karong December 25, diin nalakip sila si Jay Manalo, Cherry Pie Picache, Ruffa Mae Quinto, Zsa-zsa og John.

Kahinum-duman nga sa papel sa usa ka bayot sa pelikulang Aiste Masu 1941 usab nangharos og best actor ug best supporting actor trophies ang karon in demand na nga young star nga si Dennis Trillo.