Rossana Roces nabanhaw

Taud-taud nga nawala sa sirkulasyon ang kontrobersyal apan premyadong aktres nga si Rossana Roces human kini nibiya sa GMA-7 gumikan sa wala nila pagsinabtanay ni Lolit Solis last year.

Apan niadtong Lunes usa si Osang sa mga ubay-ubay nga mga artista nga nasigpatan nga ni-audition alang sa Pinoy Big Brother celebrity edition didto sa kauluhan.

Lakip usab sa nakit-an nga ni-audition mao sila Allan Paule, Frank Garcia Roxi Barcelo, Kris Martinez Wilma Doesnt, Darling Laviña, Alkien Miranda og Joan Quintas.

Duna usay mga models nga nanimpad samtang wala pa mahibaw-i kinsa ang nakuha alang sa maong contest nga mulungtad lang og 45 days una pa sugdan ang second season sa PBB.

Sa samang higayon dili pa usab dayag unsa kadako ang premyo nga maangkon sa winner unya sa celebrity edition sa PBB apan gipaabot nga mahatagan og katin-awan ang tanan karong Enero.

Kahinumduman nga usa unta si Osang sa mga regular hosts sa number one showbiz oriented show sa nasud- Startalk- apan kalit siyang nahanaw tungod kay nagsanga sanga ang mga kontrobersya og intriga nga gibato ngadto kaniya.