Kini tungod kay adto siya motongtong sa float sa Blue Moon sa Regal Films tungod kay matud ni Dennis nga daghan na kaayong big stars ang naa sa float sa Mulawin busa basin og dili na siya makita pa.
Garbo kaayo si Dennis sa iyang pelikula nga Blue Moon nga gigaling ubos sa Regal Films sanglit dili basta-basta ang iyang kauban nga mga artista sama nila ni Boots Anson Roa, Christopher de Leon og Eddie Garcia.
Gani wala man siya mabarat sa billing sanglit ka-level niya sa first line og gidagkuon sa letra sa iyang ngan ang nahisgutang mga multi-awarded stars.
Gikalipay kaayo ni Dennis ang pagkalakip niya sa pelikula tungod kay talagsaon kini nga experience alang kaniya diin dili kauwaw o intimidation ang iyang gibati kundili pressure tungod sa expectation sa kadaghanan sa iyang ipakita nga acting.
Daghan usab siya og nakat-onan gikan sa mga beterano sama sa dedikasyon og talagsaong acting itensity nga gipakita ni Christopher og professionalism usab gikan kang Eddie.
Nakuyawan usab si Dennis sa obserbasyon sa kadaghanan nga siya na ang musonod nga Christopher de Leon at the same time flattered siya busa naningkamot siya nga mahatagan og igong gibug-aton ang tanan niyang roles magamay man og madako.
Ang tuig 2005 mao ang shining moment alang kang Dennis sanglit nangharos siya sa halos tanang festivals isip best actor og best supporting actor tungod sa iyang gay role sa pelikulang Aishte Masu 1941.