Jennylyn Mercado gikulata og intriga

Labihan intawong pamalibad ni Starstruck Ultimate Survivor Jennylyn Mercado sa mga intriga nga namasangil kaniya nga nagpa-abort ug nga karon mabdos na usab.

Si Jennylyn gipistahan sa mga tigbalita didto sa kauluhan few days ago atol sa presscon sa pelikulang "Blue Moon" ang entry sa Regal Films sa Metro Manila Film Festival nga moabli karong December 25.

Hinoon namahayag si Jen nga dili siya apektado sa maong tsismis tungod kay nasayod siya nga dili kini tinood busa wala kini basehanan gawas pa nga imposibli kini nga mahitabo sanglit wala siyay boyfriend this time.

Gipanghimakak usab ni Jennylyn ang huhungihong nga si Jake Cuenca na maoy iyang gihulip sa dapit sa iyang kasingkasing nga nahimutangan kaniadto ni Mark Herras.

Niingon si Jennylyn nga inigsoon lang ang pagtagad niya ngadto kang Jake sanglit dili pa siya andam nga mahigugma og nga matud pa niya career ug pamilya una niya ang iyang gahinan og importansya.

Samtang nabantayan sa mga tigbalita nga atol sa presscon diin apil usab si Mark sa maong pelikula wala gyud magtinagdanay ang duruha diin giklaro ni Mark nga ang hinungdan niini mao nga nabalaka siya nga mauwawan basin dili usab siya tagdon ni Jen kon siya maoy mouna pagtimbaya.

Subling giklaro ni Mark nga personal og dili third party ang hinungdan nganong nagbuwag sila ni Jen few months ago after sa kapin sa tuig nga paghinigugmaay.