Angelika nagpa-sexy na

Nahuman na ang pictorial ni Angelika dela Cruz alang sa cover unya sa PUMP Men's magazine diin giingon nga super sexy ang nakuha nga mga hulagway sa aktres.

Tungod niini, niisa ang kilay sa mga himantayon to the max tungod kay lab-as pa sa ilang panumduman nga kanunay nga namahayag ang aktres kaniadto nga dili gyud siya mag-pasexy bisan pa og dako ang bayad.

Apan karon gikataho nga labihan pa nga nakasigarbo ni Angelika ngadto sa iyang mga higala tungod kay giganahan siya sa mga pictures nga nagama sa Pump alang kaniya.

Well, dili pa 100 percent nga angayang magsaulog si Angelika sanglit dunay mga tsismis nga manira na ang Pump Magazine busa nagpaabot karon og maayo didto sa kaulohan kon mulugwa ba gyud ug dili ang maong magazine sa mga book stands lukop nasud.

Ang Pump maoy higpit karon nga karibal karon sa FHM magazine in terms of circulation and readership diin ang editor in-chief niini kanhi editor usab sa FHM busa misamot ka taas ang kompetisyon sa duruha .