"The Maid" ipasalida karong Pebrero

Ipasalida na dinhi sa nasud ang pelikulang "the Maid" nga gibitoonan ni Alesandra de Rossi ug didto gigama sa nasud sa Singapore diin nakaangkon kini og mga pagdayeg bag-o lang.

Ang Solar Films ni Wilson Tieng maoy nakapalit sa pagtugot aron mapasundayag kini dinhi sa nasud karong unang semana sa Pebrero nationwide.

Tungod sa maong kahigayonan, usa lang ka pabor ang gipangayo ni Tieng kang Alessandra nga unta 100 percent ang ipakita niini nga suporta alang sa promotion sa ingon maayo usab ang kita unya niini dinhi sama sa natagamtaman nga feedback sa maong pelikula didto sa Singapore.

Ang maong pelikula maoy labing unang international movie ni Alessandra diin horror ang estorya niini kabahin sa usa ka Filipina maid nga nakadiskubre og mga kahibulungang mga panghitabo sulod sa balay sa iyang amo.

Ang maong mga panghitabo ang maghatag og katin-awan sa kamatayon sa laing Filipina nga katabang nga mas nauna pa og panimpad didto.

Samtang P10 million worth nga balay ang gitiguman karon ni Alessandra aron sa ingon iya kining mapalit sanglit nakagusto gyud siya niini gawas pa duna kini swimming pool diin adto unya siya maglangoy langoy og mag-ilusyon nga usa siya ka sirena nga maoy iyang dream role.

Confident hinuon ang manager ni Alessandra nga mapalit gyud niini ang balay gumikan kay daghan man og projects ang aktres, gani lakip kini sa pantaserye nga Etherea nga magsugod na karong Lunes sa GMA-7.