Si Robin Padilla una na nga namahayag nga si Angel ang buot niya nga mahimong leading lady alang sa usa ka movie nga galingon unya ubos sa GMA Films.
Sunod nga namahayag nga kuhaon ang serbisyo sa the sexiest Darna mao si Cesar Montano og ning bag-o lang nipahibawo ang nagbalik showbiz nga si Alvin Patrimonio nga si Angel ang buot niyang ikauban sa una unya niya nga project.
Kon ang mga bayot maoy pasultihon gibati gyud og kaanyag ang aktres sanglit ang tulo ka mga personalidad iya man gyud diay nga mga idol ug karon naglumbaanay aron siya maoy mahimong leading lady.
Niingon si Angel nga ang hinungdan nganong magsige siya og tan-aw sa PBA kaniadto mao gyud si Alvin tungod kay bilib siya sa ka maayo niini nga mo-basketball.
Suma pa niya nga si Robin usab maoy hinungdan nganong mas ganahan siya nga mag-action star gani ang kaamayo ni Binoe maoy nakapadasig niya sa iyang mga stunts sa Mulawin ug Darna kaniadto.
Of course idol ni Angel si Cesar sanglit dili ikalimod nga premyado na kini nga aktor busa nakasiguro siya nga daghan unya siya og makat-onan gikan kang Buboy.
Tungod niini nanghinaot na lang si Angel nga mapangitaan og lusot ang busy niya nga schedule aron puros niya maka-uban sa pelikula ug telebisyon man ang tulo ka mga sikat nga personalidad.
Nevertheless mapasalamaton si Angel tungod sa pagsalig og pagtuo sa nila ni Cesar, Alvin ug Robin sa iyang katakos isip artista.