Say andam nang moatubang sa tinood nga kalibutan

Andam na kunong moatubang sa tinood nga kalibutan si Say Alonzo tungod sa iyang nakat-onan dihang housemates pa siya sa Pinoy Big Brother (PBB).

Si Say nagpanuigon og 27 stunner gikan sa Parañaque kinsa usa sa iyang achievement ang pag-survived niya sulod sa 100 ka adlaw sa PBB.

Matud pa ni Say nga ang kasinatian niya sulod sa house maoy nakahimo niyang better person.

Iya na kuno karong i-treat ang kinabuhi nga mas seryoso.

Pila ka adlaw pa lang una mibiya si Say sa house nabatyagan na kuno niya nga siya maoy sunod nga matangtang sa mga housemates.

Matud pa niya ni Kuya nga andam na kuno siyang modawat sa bisan unsa pay mahitabo ug kung panahon na kuno niyang mobiya buot ipasabot nga natapos na ang iyang tuyo.

Ang mga housemates ni Say nagkanayon nga tungod sa iyang talento ug kaanyag sigurado nga daghang moabot niining oportunidad.