Bianca King nagginarbosa?

Gipanghimakak sa young star nga si Bianca King nga maong nag-walk out siya sa taping sa "All Star K" bag-ohay lang tungod kay dili niya buot makauban ang mga sexy stars nga sila si Kuhdet Honasan ug Keena Reeves.

Dunay niingon nga gisapot si Bianca pagkahibawo niya sa line-up sa guest tungod kay human siya nagpaseksi sa cover sa FHM magazine few months ago, tan-aw sa mga tawo niya usa na usab siya ka sexy star.

Giingong namahayag ang young star nga dili siya buot nga makauban si Kuhdet ug Keena sanglit dili niya ka-level ang duruha apan hugtanon kini nga gihimakak ni Bianca sanglit matud niya maayo ang iyang gipakita nga pagtagad when she met them.

Gipangatarongan ni Bianca nga ang iyang manager nga si Arnold Vegafria maoy nagbuot nga kinahanglang mo-pull out siya sa taping busa isip talent wala siyay igong gahom aron supakon ang maong desisyon.

Gitin-aw ni Bianca nga bisan pa man sa iyang sexy pose sa FHM wala siyay plano nga mag-bold, gani wholesome man ang iyang gidala nga mga papel sa mga ipasalida unya nga mga pelikula sama sa "Hari ng Sablay," "Ako Legal Wife" ug "Mulawin the movie".