Samok ang kinabuhi ni Aiko

Daghan ang nag-ingon nga samok kuno kaayo karon ang kinabuhi ni Aiko Melendez. Kini tungod sa nahitabo sa iyang lovelife uban sa bag-o niyang boyfriend ug ingon man sa pagkalambigit niya sa politika. Hinuon, daghan pod ang nag-ingon nga maayo man ang performance ni Aiko sa politika ug daghan ang iyang natabangan apan gubot ang iyang lovelife tungod kay may attitude problem ang bag-o niyang boyfriend.

Tungod niini miingon ang mga kritiko nga mas maayo pa nga dili lang una mohimog pelikula si Aiko karong panahona. Hinuon mipadayag si Aiko nga wala pa siyay panahon sa paghimog pelikula tungod kay busy siya sa serbisyo publiko. Apan kon ugaling may producer nga makahunahuna sa paghatag ug project ni Aiko alang sa big screen, daghan ang nagtuo nga dili kini mo-click karong panahona.