Tak-om ang baba ni Ara

No comment si Ara Mina sa nagkakusog karon nga tsismis didto sa kauluhan kalabot sa espesyal nga relasyon tali ni Jomari Yllana ug Pops Fernandez.

Matud ni Ara nga wala siyay masulti sanglit wala siyay kasayuran sa maong tsika busa mas maayo nga tak-omon nalang niya ang iyang baba.

Kahinumduman nga si Ara ang labing uwahi nga naka-relasyon ni Jomari kaniadto ug gani labihan kainit sa isyu nila kaniadto nga misampot sa giyera sa mga masakit nga pulong tali kang Ara ug Aiko Melendez.

Karon ubay-ubay usab ang gi-link kang Ara. Nag-una sa listahan mao si Polo Ravales kinsa gidungog nga maoy iyang kanunay nga kauban og suroy suroy ug matud pa maoy dunay dako nga tsansa nga makadama sa iyang gugma.

Gidungog usab nga naninguha kang Ara si Reggie Curley ug ning bag-o lang gilambigit usab ang aktres sa acoustic singer nga si Jimmy Bondoc.

Apan ang duruha daling nanghimakak pinaagi sa pag-ingon nga strictly business ra ang tanan tali nila sanglit si Jimmy maoy nitabang kang Ara sa iya karong gigama nga acoustic album.

Ang tsismis nga special affair between Jomari and Pops nagsugod pagtumaw three weeks ago pa nga matud pa namugna sa pagtext-text lang ug nasundan sa mga tinago nga mga date diin close friends lang sa duruha ang dunay kasayuran.