Girl sad diay kuno

Pipila na ka higayon nga kon dunay mga artistang bisita si Mam Rose, og mag-perform diha sa dakong stage sa Foodcourt, duna gyo'y mosayaw una, labi na ang mga dancers ni Jack Rallos sa Alcorea Dancers.

Pero duha na ka buwan nga dunay lain na usab nga grupo nga mosayaw gawas sa mga dancers ni Jack Rallos og nasayran nako gikan ni Julian Cañete nga mga empleyado ra pod diay kini sila sa Gaisano Main nga kasamtangang gitawag og Gaisano Main Dancers.

Usa kanila, duna gyo'y kaambong nga mahagpat, apan may usa pod ka empleyado miingon nga, girl sa diay kini. Sa laing bahin, may bag-o na usab nga grupo nga gipaila si Jack, ang The Lover Boys nga sila si Dan Pestano, Jeric S. Bedriso, Nonito C. Gidacan, Jr., Earl John Tudtud, Jay R. Lagahit, Ravian Ray Del Rosario ug Jhonny Boy S. Agosto. Si Dan Pestaño, dili Jr., apan anak gyod siya sa kanhi broadcaster Dan Pestaño. May kaambong usab nga mahagpat, hasta ang uban niyang mga kauban, apan may nangutana, wa sad kahay "Girl" ani nila, Jack?