Angel og Nadine amiga na

Andam si Angel Locsin nga makigtingog na kang Nadine Samonte karon nga matapos na ang Darna.

Giklaro hinoon sa duruha nga wala sila mag-away it was just nga wala silay panahon nga personal nga magka-istorya aron sa ingon mahilot kon ugaling duna silay kalagot sa usag usa.

Nagsugod ang intriga dihang namahayag si Nadine nga naglibog siya nganong dili mutagad niya si Angel atol sa taping sa Darna kaniadto nga unta wala man silay nahimong away.

To recall nahimong parte sa Darna si Nadine where she plays Ava ang babaye nga gipakaslan ni Efren( Dennis Trillo) kinsa wala mahibaw nga ang maong babaye nasudlan diay sa espiritu ni Valentina pinaagi sa black magic.

Dugay na nga nakabati sa intriga si Angel kalabot sa gibating kalibog ni Nadine og matud pa niya dugay na siya nga buot makighinabi kang Nadine apan wala lang gyud siyay time.

Ang conclusion nga naumol kaniadto mao nga nagselos si Angel kang Nadine sanglit ang naulahi nahimo mang hinigugma ni Oyo Boy Sotto kaniadto nga mao karon ang iyang lovey-dovey.

Samtang si Nadine dili na buot nga tukion pa ang maong isyu sanglit in the first place walay nahimong away tali kanila ni Angel busa okay ra niya nga mag-istorya sila ni Darna.

Matud ni Nadine she is so blessed busa dili siya ganahan nga dunay kaaway gawas nga busy kaayo siya sa iyang mga projects aron atimanon pa ang walay mga kwenta nga issue.

Nadine was nominated for best actress sa Golden Screen Awards sa iyang pagdala sa life story ni Amalia Fuentes nga gipakita sa Magpakailanman pipila na kabuwan ang nilabay busa labihan ang iyang kalipay karon.

Gawas pa nga duna siyay duha ka pelikula karon Hari ng Sablay og Lagot ka sa Kuya ko og duna usab siyay duha ka tv show- My Guardian Abby sa QTV-11 og Etherea ang prequel sa Encantadia nga makita na sa dili madugay.