PBB gidaot sa e-mail

Gipa-imbestigahan sa National Bureau of Investigation (NBI) ang mga migawas nga e-mail nga nagdaot sa Pinoy Big Brother bag-o lang.

Ang nahisgutang e-mail midaot kuno sa PBB ug usab ngadto sa ubang housemate diin matud pa sa maong suwat nga scripted ang PBB ug dunay housemate nga lig-on og kapit maong dili kuno kini matangtang.

Ang mga naa sa lista si Sam tungod kay pag-umangkon kuno kini ni direk Laurenti Dyogi, Uma paborito kuno kini ni Charo Santos-Cancio ug Cassandra nga duna kunoy impluwensiya nga backer.

Si direk Laurente Dyogi mihimakak sa pasangil nga pag-umangkon niya si Sam ug dili usab kuno scripted ang mga migawas sa PBB ug dili usab kuno tinuod nga miagi sa audition ang tulo diin gipakita pa ang mga clips sa tulo.

Naapil kuno sa maong e-mail ang pangalan sa usa ka kongresista sa Iloilo nga gi-link ni Cass ug ang nahisgutang politiko maoy naghangyo sa NBI nga imbestigahan kung diin naggikan ang maong e-mail.