Gikiha ang duha ka talent manager

Mipasaka og kaso ang kampo ni Alma Moreno batok sa mga talent manager nga sila si Robby Taroza ug Joed Serrano kabahin sa traumatic nga deportasyon nila gikan sa Japan.

Ang maong kaso gipasaka ngadto sa Quezon City Regional Trial Court.

Si Alma nangayo og P5 milyones nga bayad sa moral damages sa trauma nga iyang nasinati ug sa iyang mga anak didto sa Japan.

Gawas ni Rudy Fernandez ex-husband ni Alma kinsa mikuyog kanila sa sight seeing trip duna pay laing walo ang na-deport.

Ang maong kaso miinit dihang si Taroza gikatahong mi-fax og suwat ngadto sa Japanese embassy official diin ang maong suwat nagtumbok sa pag-hold ni Justine de Leon talent nga gi-manage ni Tarroza ug Serrano.