Jean Garcia nagmagul-anon sulod sa tulo ka adlaw

Three days nga na-depress ang aktres nga si Jean Garcia samtang tulo usab ka adlaw nga dili mahimong istoryahon si Jomari Yllana ning bag-o lang.

Ang bugtong hinungdan mao ang naghinapos na nga mga anib sa pantaseryeng "Kampanerang Kuba" nga gibitoonan ni Anne Curtis diin gihugon-hugon nga kutob na lang karong November 25.

Usa sa mga cast sa maong serye nga si Cherrie Pie Picache nibutyag nga naguol si Jomari ug Jean tungod kay magkabuwag na silang tanan gumikan kay wala pa man hibaw-i unsay sunod nilang project after Kuba.

Giklaro ni Cherrie Pie nga nagmagul-onan gyud ang tibuok cast sa Kuba tungod kay lig-on na ang bonding nila as in nagkasuod gyud sila og maayo.

On the practical side, naguol ang mga artista nga nalakip sa maong serye sanglit Christmas is coming unya wala pa silay klaro nga project nga maoy moabag nila financially.

Hinoon ma-busy si Cherrie Pie next month sanglit apil man siya sa "Mano Po-4 Ako Legal Wife" nga maoy official entry sa Regal Films alang sa Metro Manila Film Festival.

Ang Kuba ni Anne dungan nga mahuman sa laing obra maestro ni Mars Ravelo-ang Darna nga gibitoonan ni Angel Locsin sa GMA-7 sa primetime block.