Sila si Ariel Batausa kinsa ang mga kagikan niini taga Tubigon, Bohol, Mimosa Sosmeña nga taga Purok 6 Nangka Consolacion, Cebu ug Randy Moreno nga taga Northern Samar ang mga miyembro sa maong banda.
Si Ariel maoy writer composer sa ilang kanta nga "Hello Garci".
Ang nahisgutang banda natukod tulo na katuig karon diin ang producer niini si Sixto Dy. Ang maong banda aduna nay album nga nag-ulohan "Si Nene at si Nena" ug "Magdalina".
Matud pa sa tulo, kanhi mga solowesta sila diin magpahigayon sila og show sa mga mall ngadto sa Manila. Ug bata pa sila mahiligon na gyud sila sa pagkanta ug nakasalmot usab sila og mga singing contest kaniadto.
Apan sa wala pa sila magka-grupo pulos usab sila gikan sa " "Friends and Music" usa ka "music lounge" didto sa Manila. Gibutyag usab sa grupo nga daghan na usab kuno silang naagiang mga diskriminasyon ug dili gyud kini malikayan apan ang importante nga napakita nila ang ilang mga talento.
Ang tulo midungag nga damgo nila ug sa ilang mga pamilya ang maka-album ug ang maong damgo natuman na karon.