Ang halad sa Kapamilya

Ang hulga sa ulan niadtong Domingo, Nobiyembre 6, wala makapa discourage sa mga matawag nako og mga tawo nga mga "positive thinkers" nga gustong makaani og unsay maani sa kalihokan sa ABS-CBN DyAB nga gitawag og "Halad sa Kapamilya."

Gawas sa mga hinabang, mga medical check up, dental services, mga legal services, mga workshops sa acting ug photography, ang mga positive thinkers miadto sa Plaza Independencia, sulod sa tibuok adlaw niadtong adlawa, may mga kasayuran pa gyong makuha, gawas pa sa mga bag-ong mga higala nga ilang nahimamat, kay kon positive thinker ang usa ka tawo, dako siya'g pagtuo nga ang mga higala, bag-o o daan, makatabang gyod kaniya, sa mga higayon nga dili lang mahibaw-an, ug kon friendly ka, makatabang kaayo kini.

Gawas niini, may mga kalingawan pa gyod nga masaksihan sama sa "Jude Morning," ug mga dinaholdahol ni Chocolate (dili ang iladong Chocolaite sa ABS-CBN Manila kon dili, ang kauban namo kaniadto sa "Si Goot da Wanderpol"). Ang unang portion gani sa kalingawan nga gidumala niining tagsulat, naghatag man og mga ganti gikan sa The FREEMAN ug Banat News ug sa First Quadrant, pinaagi sa pagsabwag og mga bag-o ug mga karaang mga The FREEMAN ug Banat News nga may mga numero nga nagtangag pa og dugang mga ganti, ug ang gitawag nga mga swerteng mga numero sa mga mantalaan, may dugang mga ganti, og ang makatubag pa gyod sa mga pangutana, lain na usab nga mga ganti hangtod gipili ang "Male Kapamilya of the Year," ug "Female Kapamilya of the Year" pinaagi sa pagpakita sa mga mananaog sa ilang talent.

Ang mga mananaog isip "Kapamilya of the Year" may dugang na usab nga mga ganti gikan sa First Quadrant pinaagi nilang Joy de Leon, Elsie Paclibar, Renel Dabalos, Rudy Dabalos ug Roger Dabalos