TV Special atol sa b'day ni Bea

Usa ka television special ang gipili ni Bea Alonzo imbes nga engrandeng debut atol sa pagsaulog niini sa iyang 18th birthday.

Sayo sa milabay'ng duha ka tuig gipangutana si Bea sa Star Magic kung unsay gusto niini sa iyang debut.

Gitanyagan kuno ang batan-ong actress og usa ka engrandeng debut diin moabot sa P1 milyones ang gasto apil na sa iyang isul-ob nga sapot.

Apan gibalibaran sa actress ang nahisgutang tanyag tungod kay anti-social kuno siya ug dili kini komportable sa mga party hinuon usa ka television special ang gipangayo niini.

Diin ubos sa kondisyon nga ang usa ka segment niini ihatag ngadto sa mga less fortunate.