Giangkon niya nga dako usab og natabang ang mao niyang pictorial aron mabalik siya sa nataran sa GMA-7 human siya nanimpad unta didto sa Kapamilya network gumikan sa pangluod.
Gidungog nga buot motapon si Bianca ngadto sa ABS-CBN gumikan kay ang role ni Chynna Hortaleza sa "Sugo" was originally offered to her busa nagsugod og guest ang young star sa mga shows sa Kapamilya.
Apan nidali siya og balik sa GMA-7 human igdungog nga laing artista ang modala sa iyang role nga Aviona sa gigaling karon nga "Mulawin the movie" hinungdan nga makita na usab karon sa Kapuso si Bianca.
Gisuwerte si Bianca tungod kay siya maoy napili isip labing bag-o nga host sa all girl show nga 3R nga adto na ipasalida sa QTV 11 sa second week sa November.
Lima usab ka pelikula ang iyang gi-shoot karon sama sa "Hari ng Sablay" opposite Paolo Contis, "Ako Legal Wife" kauban si John Prats "Mulawin the Movie" nga entry sa GMA films sa Metro Manila Festival ug apil usab siya sa "I will always love you", Valentine movie presentation sa Regal.
Nagsugod na usab ang iyang shooting alang sa "Sugar Affair" kauban si Rafael Rosell ubos sa direksyon ni Mark Meily kinsa maoy utok luyo sa kalampusan sa "Crying Ladies" two years ago.