Ynez Veneracion - nalaos ug nabanhaw

Taod-taod nga nahanaw sa sirkulasyon ang sexy star nga si Ynez Veneracion human siya nakontrobersyal isip ang babaye nga nakuhaan og footage sa abs-cbn nga nakigtagbo og dirty old man sa usa ka hotel few years ago.

Kon labihan ka humot sa iyang pangan kaniadto mao sab kapaspas nga nihupas ang iyang karisma gumikan sa maong kontrobersya diin bisan pa man og dunay mga movie projects siya nga naangkon dili kini sarang ikapanghambog.

But lately medyo nibalik og sulbong ang career ni Ynez diin giisip na siya nga multi-media star sanglit duna siyay movie nga ipasalida, duna siyay role sa usa ka soap opera sa telebisyon ug duna usab siyay gigama nga stage play.

Apil siya sa Gil Portes movie nga giulohan og "Matthew Mark Luke John" diin papel sa asawa sa usa ka torero nga nasakit og tuberculosis ang iyang gihatagan og kinabuhi.

Sa soap opera sa Now and Forever presents Agos sa GMA-7 siya maoy kabit ni Christopher de Leon, samtang sa stage play ni direktor Elwood Perez nga "Private Parts" papel sa laos nga "magdalena" ang iyang role.

Contented si Ynez sa maong mga projects diin mas excited siya sa stage play tungod kay naka seguro siya nga pinaagi niini mapalambo pa niya ang iyang acting skill.

Few years ago, usa si Ynez sa mga in-demand sexy stars dungan-dungan nilang Ana Capri ug Aya Medel diin gipa-ila siya pinaagi sa pelikulang Dama de Noche sa Viva Films.