Angel Locsin ganahan unta moadto sa LA

Nausikan sa kahigayonan nga makaapil sa Scream festival sa Los Angeles California ang sikat nga youngstar nga si Angel Locsin gumikan sa kapuno sa iyang schedule.

Nasayran nga nominado sa nahisgutang festival ang pelikula ni Angel nga Sigaw diin siya ang bida uban sila si Richard Gutierrez og Iza Calzado og gigaling ubos sa Regal Films sa direksyon ni Yam Laramas.

Niadto rang Sabado gipahigayon ang festival diin si Richard og Izza lang ang nakahigayon pagbutho didto sa LA sanglit sila ra man ang medyo napangitaan og paagi nga maluagan ang ilang schedule.

Labihan gyud ka puno sa schedule ni Angel sanglit naghinapos naman ang Darna busa subsob gyud ang taping alang niini ilabi na nga nanganti ang GMA-7 films nga kinahanglang memorable ang ending sa nahisgutang pantaserye.