Juliana ug Anthony may relasyon?

Daghan ang nakamatikod nga ingon sa nagkasinabtanay na sila si Juliana Palermo ug ang mister ni Halina Perez nga si Fil-Am basketball star Anthony Cuevas. Sa laktod, daghan ang nagtuo nga may relasyon silang duha ug ila lamang kining gitago sa publiko aron paglikay sa kontrobersiya ug intriga.

Human mobuto ang ekslusibong estorya sa Saksi Ngayon kalabot sa pagselos ni Juliana kang Katrina Halili, daghan ang nakasaksi nga kanunay pang magkita ug magkasulti sila si Juliana ug Anthony. Hinuon, wala gayoy direktang giangkon sila si Juliana ug Anthony bahin sa real score tali kanila.